Gamit ang AI, Nais ng Google na Lutasin ang Sistema ng Burokrasya sa Power Grid
Habang lumalaki ang pangangailangan sa kuryente dahil sa pag-angat ng AI, tumataas din ang pangamba sa posibleng power shortage sa mga data center at cloud infrastructures. Pero ayon sa ilang eksperto — hindi kulang ang kuryente. Kulang lang tayo sa paraan para maikabit ito sa grid. At dito ngayon papasok ang Google.
AI Para sa Grid?
Inanunsyo ng Google at ng grid operator na PJM ang isang partnership na layong gamitin ang AI para pabilisin at pasimplehin ang proseso ng pag-apruba ng mga power sources sa grid.
Kasama rin sa proyekto ang Alphabet’s “moonshot” lab na Tapestry, na tutulong sa pag-develop ng AI models na mag-aanalisa, magva-verify ng data, at magsasaayos ng centralized planning tools para sa mga bagong energy projects.
Bakit May Bottleneck sa Kuryente?
Ayon sa Lawrence Berkeley Lab:
Mayroong 2.6 terawatts ng power capacity sa buong U.S. na naghihintay lang ng grid interconnection approval — doble sa kasalukuyang kayang gawin ng lahat ng power plants sa bansa.
Sa region ng PJM — na sumasaklaw sa Mid-Atlantic states, Ohio, at silangang bahagi ng Kentucky — may higit sa 3,000 active connection requests na katumbas ng 286.7 gigawatts ng enerhiya.
Dahil dito, itinigil ng PJM ang pagtanggap ng bagong applications noong 2022, at inaasahang magpapatuloy pa sa kalagitnaan ng 2026.
Renewables ang Pinakatinamaan
Nakakabahala na sa backlog na ito, ang mga pinakaapektado ay ang solar at energy storage projects.
- Nationwide, may 1 terawatt bawat isa ng solar at storage na nakapila lang.
- Sa PJM region, 98% ng projects ay clean energy, habang 2.4% lang ang galing sa natural gas.
- Pero ayon sa mga kritiko, mas pinapaboran ng bagong approval process ang fossil fuel plants, na tila nakakalusot sa pila.
Hindi Lang Tungkol sa Kuryente, Tungkol Ito sa Kinabukasan ng AI
Ang katotohanan: AI needs power — at marami. Kaya naman Amazon, Microsoft, Meta, at Google ay unti-unti nang bumibili ng nuclear at solar energy sa malalaking halaga.
Ngunit kahit anong dami ng investment sa malinis na enerhiya, kung hindi ito nakakabit sa grid, balewala rin. Kaya ang tanging paraan: ayusin ang daloy ng proseso, at dito tumataya ang Google sa lakas ng artificial intelligence.
AI vs Bureaucracy: Sino ang Mananalo?
Sa pagsasanib-puwersa ng Google at PJM, umaasa silang mapabilis ang approval ng clean energy projects, matugunan ang demand ng AI computing infrastructure, at higit sa lahat, mapalitan ang marupok na fossil fuel foundation ng grid
Sabi nga ng PJM VP na si Aftab Khan:
Mananatiling fuel-agnostic ang aming grid.
Habang giit ni Amanda Peterson Corio ng Google:
Komitido kami na i-decarbonize ang aming electricity footprint.
0 Mga Komento